「有冇搞錯啊，咁都唔識？」

呢句說話本身已經令人覺得好討厭，再加上講呢句說話GEI時候，嗰個人一定好擺出一副不屑GEI樣，令到聽者覺得更難受。因此，人們都好討厭經常將呢句說話掛喺嘴邊GEI人，但殊不知，自己又每日都做住令人覺得好討厭GEI事。

雖然話香港屬於中國一部份，但始終做咗英國殖民地咁多年，香港好多社會規範同香港人好多生活習慣同內地會有一定差距。再者，香港人比內地人較多機會接受教育，同埋國際視野一般比較闊，就算始睇唔起內地人。

例如，我地會覺得內地人去洗手間唔排隊或者係企喺其中一格廁格外面排，而唔係一條隊排晒咁多格廁格。(女仔可能會比較明白我講咩^^)但咁樣排隊法，根本上係內地已經係約例俗成。(我並無話咁係一個好GEI方法！佢地需要GEI係慢慢接受教育。)佢地一嚟到香港，喺無人話俾佢知香港咁做係有問題GEI時候，佢地係根本唔知道。係呢個時候，部份人就會話，「有冇搞錯啊，咁都唔識？」

同樣情況，大家覺得係麥當勞食完嘢使唔使自己執晒D垃圾同埋收好個TRAY？唔講唔知，原來日本、美國等地，都係由食客消費完之後自己將垃圾清理。我第一次係美國食麥當勞，都差D咗一個好無手尾GEI消費者，好彩在朋友話我知要自己清場。

因為大家GEI消費習慣唔同，而俾人話「有冇搞錯，咁都唔識？」你會有咩感受呢？

粗人

最近網上流傳一段叫「四眼陰公男」GEI片，相信好多人都睇過。

唔知大家有冇留意，有一種人好得意，喺爭辨GEI時候明明理屈詞窮，但礙於死要面子同埋自尊GEI關係，就開始訴諸一D道理之外GEI東西。

而呢種人GEI力量來源並非源自任何宗教，而係來自一D叫粗口GEI語言，呢類訴諸粗口GEI人，我地姑且叫佢做粗人！

係爭辯過程當中，呢D粗人會不停加插一D單字係語句當中，例如：「你個X樣，有無搞X錯啊，好X明顯係你錯啦！」呢D粗口唔知點解會帶到無窮力量俾佢地，令佢地深信自己講GEI嘢係無敵。

又係一個不解之謎！